Bertsoa & Jazz emanaldia izan genuen Aihotz plazan (Matxeten)00.00etan Gasteizko Andra mari zuriaren festen barruan.
Bertsolariak: Andoni Egaña, Maialen Lujanbio, Jon Maia, Amets Arzallus. Musikariak, Bixente Martinez, Hasier Oleaga, Jon Piris, Asier Ituarte, Julen Izarra. Gaijartzailea, Unai Elizasu.
Saioa polita joan zen arren, kontrako baldintza gehiegitxo genituen. Hotza (Gasteizen normala), txaranga hara eta hona, arazo tekniko batzuk... kalean egiten genuen lehen emanaldia zen eta prestakuntza ordu aldetik justuegia... jendeak ondo pasatu zuen baina, guk ezin gozatu behar beste!
BERTSO JAZZ GASTEIZ. GAIAK
1. agurrak
2. Amets eta Jon.
Funtzioarioak biak eta bulegora sartu eta opari eder, bezain garesti bana zenuten mahai gainean
3. Andoni eta Maialen.
Zeledonekin maitemindu da Maialen! Denbora guztian eskua altxata eta guardasolarekin dabil!
4. Amets.
Zure egungo bikotearekin hilabete batzuk daramazu. Bere garaian, zure bikoteak eraso sexista bat izan zuen eta zurekin ez du oraindik harremanik izan
5. Maialen eta Jon.
Jon aita zara eta Maialen Alaba, zazpigarren alaba. Famili argazkiari begira!
6. Andoni.
Gasteizko udaletik deia jaso duzu. Bere garaian utzi zenuen lanpostua zuretzako dagoela nahi izanez gero
7. denak
Gasteizen ibiltzen zarete urte osoan ikasten eta bertako ostegunak maite dituzue osoa, baina aste nagusietara gaur etorri eta…
8. Maialen.
Plazan zinala, 10 urteko mutil bat ikusi duzu pozik eta saltoka. Neska bati ipurdia ikutu diolako pozik eta saltoka
9. Amets eta Andoni.
Ez duzue ulertzen, Gaur ligatzeko asmotan irten eta Ametsek iada lehen kalabaza jaso du, Andonik berriz... ez du gogoan zenbatgarrena duen
10. Jon. Kantua gai (Ruper Ordorikaren "ez da posible!")
Nahaztua zaude Jon, kantuak dioen ez eta ezin horiekin!
11. Maialen eta Amets.
Goizeko lauak dira. Amets esnatu eta Maialen ez duzu ondoan, ohean. Altxa eta salara joan zarenean bertan ikusi duzu tornoan, buztinezko ontzi bat egiten. Bere bizkar aldean jarri eta besoak laztandu dizkiozu gora eta behera, lepoan muxuak eman eta belarrira goxo xuxurlatuz... saiatu zara bere ontzia ahusten baina, ez... Maialenek ez dizu uzten
12. Denak
13. Agurrak
