Gernikako Jai Alai pilotalekuan, azaroaren 21ean
Bertsolariak: Sustrai Colina, Igor Elortza, Beñat Gaztelumendi, Miren Amuriza, Jon Martin eta Jone Uria
10eko handia
Bikotea zarete. Gizarte-zentro batean zegoen gazte bat hartu zuten etxean orain dela hilabete. Gaur, zentrotik dei bat jaso duzue, zuen etxea utzi eta zentrora itzuli dela esanez.
47 egun bahituta izan ondoren, zuen aitak itzuli dira etxera. Ongi etorria egiten ari zaizkie herrian. Beraiei begira zaudete.
Oinarrizko kanpamenduan zaudeten goi-mailako mendizaleak zarete. Zuen espedizio-kideak azken kanpamenduan daude, eta jaisteko agindua eman diezue eguraldi txarra zetorrela eta. Prismatikoekin, gorantz nola doazen ikusten ari zarete.
8ko txikia
Zu, 1 ,puenting-eko edo zubi-saltoko monitorea zara. 3 agurea etorri zaizu gaur, berak ere salto egin nahi duela esanez.
2 ,azokan elikagai biologikoak saltzen dituen nekazaria zara. 5 bezeroa heldu zaizu gaur, poltsa bete sagar itzultzera, harrak dituztela eta.
Bizilagunak zarete 4 eta 6. 6-ren pisu azpian bizi zara, 4. Lau gau dira 6-k goizeko 3etan aspiragailua pizten duela.
10eko txikian
Adiskidetasun koloretsua duzue 3-k eta 5-k; alegia, lagun onak zarete, eta batzuetan hori baino gehixeago ere bai. Zuk 3, zure etxeko giltzak eman dizkiozu 5-i, baina 5-k ez dizkizu hartu.
Zuk, 4, eraikitzen ari ziren etxe bat erosi zenuen. 1 eraikuntza-enpresako langilea zen. Enpresak porrot egin du. Biak zaudete bukatu gabe dagoen etxeari begira.
Zuek biok, 6 eta 2 , lehen lerroko politikagintzan jardunak zarete urteetan. Orain urte bi erretiratu zineten. 6 astero hitzaldiak ematen dabil. 2 bizitza publikotik aldendua bizi da.
Lauko handian
Ajuria Eneko bi sukaldari zarete. Azkenaldian, aldaketa nabarmenak sumatu dituzue.
Aerobikeko lehen eguna duzue gaur. Erritmoa hartu ezinik zabiltzate.
Apustuzaleak zarete biok. Duela astebete, elkarrekin egin zenuten apustua, urtebetez apusturik egin gabe nork agoantatuko ote duen. Frontoian zaudete biok, ezinegonik.
Kartzela
300 eurorekin irten zara etxetik, eta ezer gabe itzuli zara berriz.
